கல்லூரி மாணவியின் கன்னத்தில் பிளேடால் கிழித்த மாணவருக்கு வலை

சிதம்பரம்: சிதம்பரத்தில், கல்லூரி மாணவியின் கன்னத்தில் பிளேடால் கிழித்த கல்லூரி மாணவரை, போலீசார் தேடி வருகின்றனர். கடலூர் மாவட்டம், சிதம்பரம் வாகீஸ்நகரைசேர்ந்தவர் வள்ளி,18 (பெயர் மாற்றப்பட்டுள்ளது); சிதம்பரம் அருகே கீழமூங்கிலடியில் உள்ள தனியார் கல்லூரியில், பி.காம்., இரண்டாம் ஆண்டு படித்து வருகிறார். இவரிடம் அதே வகுப்பில் படிக்கும்,

பரங்கிப்பேட்டை அடுத்த வேளங்கிப்பட்டு கிராமத்தை சேர்ந்த வினோத்பிரதாம்,19 என்பவர், கடந்த 6 மாதமாக காதலிப்பதாகக் கூறி, டார்ச்சர் செய்து வந்துள்ளார். இந்நிலையில், நேற்று வள்ளி தன் தாயுடன் புதுத்தெருவில்

நடந்து செல்லும்போது, பைக்கில் வந்த வினோத்பிரதாம், வள்ளியை வழி மறித்து பிளேடால் கன்னத்தில் கிழித்துவிட்டு தப்பினார்.

படுகாயமடைந்த வள்ளி, சிதம்பரம் அரசு மருத்துவமனையில் சேர்க்கப்பட்டு, சிகிச்சை பெற்று வருகிறார்.சிதம்பரம் நகர போலீசார் கல்லூரி மாணவர் வினோத்பிரதாமை தேடி வருகின்றனர்.