விடுதலைப் புலிகள் மீண்டும் ஒன்றிணைந்து வருகின்றனரா? - கே.பியின் கண்டுபிடிப்பு

[ ஞாயிற்றுக்கிழமை, 10 யூன், 2012, ]

விடுதலைப் புலிகள் அமைப்பில் மீதமுள்ள உறுப்பினர்கள் மீண்டும் ஒன்றிணைந்து வருகின்றனர் என்ற கருத்து உண்மைக்கும் புறம்பானது என கே.பி எனப்படும் குமரன்பத்மநாதன் தெரிவித்துள்ளார்.

புலம்பெயர் தமிழர்களில் உள்ள சில குழுக்களின் பிரசார வேலைத் திட்டத்தின் ஒரு பகுதி மாத்திரமே இது காணப்படுவதாகவும் கே.பி குறிப்பிட்டுள்ளார்.

புலம்பெயர் தமிழர்களில் உள்ள குழுக்களுக்கு தமிழ் மக்கள் குறித்து உண்மையான அக்கறையிருந்திருந்தால், அவர்கள் நாட்டை விட்டு செல்லாதிருந்திருக்க வேண்டும் எனவும் அவர் கூறியுள்ளார்.

சிறிலங்கா அரசின் கைதியான இவர், சர்வதேச ரீதியாக நெருக்கடிகளை சந்திக்கும் போது இவர் ஊடாக சில கருத்துக்களை வெளியிட்டு சர்வதேசத்தை குழப்பும் ஒரு உபாயத்தை கையாண்டு வருவது, சிறிலங்கா அண்மைக் போக்குகளில் இருந்து அவதானிக்கலாம்.

கே.பி வெளிநாடுகளில் பல ஆண்டு காலம் இருந்ததுடன், விடுதலைப் புலிகளின் முன்னாள் சர்வதேச செயற்பாட்டாளராக செயற்பட்டமை குறிப்பிடத்தக்கது.