அமெரிக்காவை சூறாவளி தாக்கியது: 20 லட்சம் மக்கள் பரிதவிப்பு

[ சனிக்கிழமை, 30 யூன், 2012, ]

அமெரிக்காவின் மத்திய அட்லாண்டிக் பகுதியில் அமைந்துள்ள மாகாணங்களில் புயல் சின்னம் காரணமாக பலத்த சூறாவளி தாக்கியது. இந்த சூறாவளிக்கு கொலம்பியா,

கிழக்கு கென்துசிக், மேற்கு மேரிலாந்து, வடமேற்கு பென்சில்வானியா, வெர்ஜீனியா ஆகிய 5 மாகாணங்கள் பெரும் பாதிப்புக்குள்ளாகி இருக்கின்றன.

வெர்ஜினியா மாகாணம் இச்சூறாவளியில் பலத்த சேதம் அடைந்துள்ளதால், அம்மாகாண கவர்னர் அங்கு அவசரநிலையை பிரகடனம் செய்தார். அங்கு மட்டும் 5 லட்சம் மக்கள் மின்சாரம் இன்றி தவிக்கிறார்கள். இதேபோல கொலம்பியாவில் 8 லட்சத்துக்கும் மேற்பட்டோர் தவிக்கிறார்கள்.

வெர்ஜினியா புறநகரில் கார் மீது மரம் விழுந்ததில் ஒருவர் இறந்தார். மேலும் அங்குள்ள வீட்டின் மேல் மேல் மரம் ஒன்று முறிந்து விழுந்ததில் முதிய பெண்மணி ஒருவர் உயிரிழந்தார். இந்த பகுதியில் வெள்ள அபாய எச்சரிக்கையும் விடுக்கப்பட்டு இருக்கிறது.

இந்த கடும் சூறாவளியில் பாதிக்கப்பட்ட 5 மாகணங்களில் சுமார் 20 லட்சம் மக்கள் கடுமையாக பாதிக்கப்பட்டுள்ளனர். வெள்ளப்பெருக்கு ஏற்பட்டுள்ளதால் இங்கு மின்சாரமும் துண்டிக்கப்பட்டு இருக்கிறது.