மீண்டும் அமெரிக்காவின் அழுத்தத்திற்குள் சிக்கும் சிறிலங்கா

அதேவேளை இந்தியாவும் இந்த விடயம தொடர்பில் உன்னிப்பாக அவதானித்து வருவதாக கூறப்படுகிறது. இதனால் அடுத்த மனித உரிமை பேரவையின் கூட்டத் தொடரில் இந்தியா இலங்கைக்கு ஆதரவு வழங்கும் என்பதை எதிர்பார்க்க முடியாது என இந்திய கூறியிருந்தது.

அரசாங்கம், ஜெனிவா மனித உரிமை பேரவையின் கூட்டத் தொடரில் நல்லிணக்க ஆணைக்குழுவின் பரிந்துரைகளை அமுல்படுத்துவதாகவும் வட மாகாண தேர்தலை நடத்துவது குறித்தும் வாக்குறுதிகளை அளித்திருந்தது.

இந்த நிலையில், வடமாகாணத்திற்கு தேர்தலை நடத்தாது, கிழக்கு, வடமத்திய மற்றும் சப்ரகமுவ மாகாணங்களுக்கு தேர்தலை அறிவித்துள்ளமை குறித்து அமெரிக்க அதிருப்தி வெளியிட்டுள்ளதாக கூறப்படுகிறது.

அத்துடன் அண்மையில் அமெரிக்காவுக்கு சென்றிருந்த சிறிலங்காவின் வெளிவிவகார அமைச்சர் ஜி.எல்.பீரிஸ் இதனை எவ்வாறு நடைமுறைப்படுத்துவது என்பது குறித்து அமெரிக்க இராஜங்க செயலாளரிடம் திட்ட வரைபொன்றை வழங்கியதாகவும் சர்வதேச ஊடகங்கள் தெரிவித்திருந்தன.

எனினும் சிறிலங்கா அரசாங்கம் அப்படியான எந்தவொரு திட்ட வரைபையும் முன் வைக்கவில்லை என மறுத்திருந்தது.