சிறிலங்கா இராணுவத்தினரை தோற்கடித்த முறிகண்டி தமிழ் மக்கள்

அண்மையில் முறிகண்டி, திருமுருகண்டி ஆகிய பிரதேசங்களில் மீள்குடியேர சென்ற மக்களின் தடுத்த சிறிலங்கா இராணுவத்தினர் அப்பட்டமான நில அபகரிப்பில் ஈடுபட்டனர்.

இந்நடவடிக்கைக்கு எதிராக திரண்டெழுந்த மக்கள் வீதிகளில் இறங்கி ஆர்ப்பாட்டங்களில் ஈடுபட்டனர். இதன் போது பல வன்முறைச் சம்பவங்களும் இடம்பெற்றிருந்தன.

அந்த வகையில் முறிகண்டி மக்களின் காணிகள் முழுவதையும் அந்த மக்களிடமே கையளிக்க இராணுவம் இணங்கியுள்ளதாக ஒட்டுசுட்டான் உதவி அரச அதிபர் தினேஸ்குமார் அறிவித்துள்ளார்.

இந்நிலையில் தற்பொழுது தடுப்பு முகாங்களுக்கு கொண்டு செல்லப்பட்ட மக்கள் மீண்டும் முறிகண்டிக்கு கொண்டு வரப்பட்டுள்ளனர். இந்த மக்களின் காணிகள் முழுமையாக அந்த மக்களிடம் கையளிக்கப்படும் என்று தெரிவிக்கப்பட்டுள்ளது.

எனினும் பத்துக்குடும்பங்களின் காணிகளிலிருந்து இராணுவத்தினர் இன்னும் வெளியேறவில்லை. விரைவில் அப்பகுதியிலிருந்தும் வெளியேறுவதாக இராணுவத்தினர் தெரிவித்துள்ளனர்.