யாழ் அரியாலையில் கோஷ்டி மோதல்: பொலிஸ் விசாரணை ஆரம்பம் !

யாழ்ப்பாணம் அரியாலை பகுதியில் இடம்பெற்ற மோதலில் இருவர் காயமடைந்த சம்பவம் தொடர்பான விசாரணைகளை பொலிஸார் ஆரம்பித்துள்ளனர். இந்த மோதல் சம்பவம் நேற்று இடம்பெற்றுள்ளதாக பொலிஸ் ஊடகப் பேச்சாளர் பொலிஸ் அத்தியட்சகர் அஜித் ரோஹன குறிப்பிட்டார். குறித்த இருவருக்கும் மேலும் சிலருக்கும் இடையில் இடம்பெற்ற தனிப்பட்ட பிரச்சினை இந்த தாக்குதல் சம்பவத்திற்கு காரணம் என தெரிவிக்கப்படுகின்றது.

சம்பவத்தில் காயமடைந்தவர்கள் யாழ். போதனா வைத்தியசாலையில் அனுமதிக்கப்பட்டு சிகிச்சை பெற்று வருவதாக பொலிஸ் ஊடகப் பேச்சாளர் கூறினார். சந்தேகநபர்கள் அடையாளம் காணப்பட்டுள்ள அதேவேளை அவர்களை கைது செய்வதற்கான நடவடிக்கைகளை யாழ்ப்பாணம் பொலிஸார் ஆரம்பித்துள்ளனர்.