ஈரானிய யாத்ரீகர்கள் 48 பேர் சிரியா பயங்கரவாத குழுக்களால் கடத்தல்!

சிரியாவின் தலைநகர் டமஸ்கஸ்ஸில் பஸ் ஒன்றிலிருந்து ஈரானிய யாத்திரிகர்கள் 48 பேர் கடத்தப்பட்டுள்ளதாக சிரியாவிலுள்ள ஈரானிய தூதுதரக அதிகாரியொருவர் தெரிவித்துள்ளார். இன்று (சனிக்கிழமை) விமான நிலையம் நோக்கி சென்று கொண்டிருந்த போது...

ஆயுமேந்திய பயங்கரவாத குழுக்களால் அவர்கள் கடத்தப்பட்டனர்' என மஜித் கம்ஜோ எனும் மேற்படி அதிகாரி, ஈரானிய அரச தொலைக்காட்சிக்கு தெரிவத்துள்ளார்.

இந்த யாத்திரிகளின் கதி தெரியவில்லை. கடத்தல்காரர்களை கண்டுபிடிப்பதற்கு சிரிய அதிகாரிகள் முயன்று வருகின்றனர் என அவர் கூறினார். பின்னர் சிரிய அரச செய்திச் சேவையான சனாவும் இக்கடத்தல் செய்தியை வெளியிட்டது.

வருடந்தோறும் லட்சக்கணக்கான ஈரானிய யாத்திரிகர்கள் சிரியாவுக்கு ஆன்மீக யாத்திரை மேற்கொள்கின்றமை குறிப்பிடத்தக்கது. சிரிய ஜனாதிபதி பஷார் அல் அஸாட்டுக்கு எதிராக கிளர்ச்சிகள் தீவிரமடைந்துள்ள நிலையில் ஜனாதிபதி அஸாட்டின் அரசாங்கத்தை ஈரான் தீவிரமாக ஆதரித்து வருகிறது.