தமிழர் ஒருவரையே கிழக்கின் முதலமைச்சராக நியமிக்க வேண்டும்!

தெரிவித்துள்ளார். ஆளும் கட்சியுடன் இணைந்திருக்கும் தமிழர் ஒருவரை நியமிப்பதன் மூலம் தமிழ் மக்கள் மத்தியில் நிலவும்...

முஸ்லிம் அரசியல் அழுத்தங்களை குறைக்க முடியும். அவ்வாறு நியமிக்காவிட்டால் தமிழ் மக்களின் தேவைகளை பூர்த்தி செய்து கொள்ள ஏறாவூர் அல்லது காத்தான்குடிக்கு செல்ல வேண்டிய நிலமை ஏற்படும். “தயட்ட கிருல” கண்காட்சி மற்றும் அபிவிருத்தித் திட்டத்திற்காக பாரியளவு பணம் ஒதுக்கீடு செய்யப்பட்டுள்ளது.

இந்த நிதி ஒதுக்கீடு மூலம் பிரதேசத்தில் அபிவிருத்தி ஏற்படும். மட்டக்களப்பு மாவட்டத்தில் 26 சதவீதமான முஸ்லிம்களே வாழ்கின்றனர். எனினும் அவர்கள் அரசியல் அதிகாரத்தை சரியான முறையில் பயன்படுத்திக் கொள்கின்றனர். எதிர்க்கட்சியில் இருக்கும் எமது தமிழ் உறுப்பினர்கள் நாடாளுமன்றில் கோசங்களை எழுப்புவதனைத் தவிர வேறு எதனையும் செய்வதில்லை.

வாக்களித்த எமக்கு என்ன செய்திருக்கின்றீர்கள் என நாடளுமன்ற உறுப்பினர்களிடம் மக்கள் கேள்வி எழுப்ப வேண்டும். தமிழ் மக்களின் உரிமைகளை உறுதிப்படுத்தவும் சுயகௌரவத்தை பேணிப் பாதுகாக்கவுமே நான் அரசாங்கத்துடன் இணைந்து கொண்டேன். இதன் மூலம் பல்வேறு சவால்களை எதிர்நோக்கி வரும் எமது தமிழ் சமூகத்தை பாதுகாக்க முடிந்தது.

தமிழ் மக்கள் அனைவரும் இணைந்து ஆளும் கட்சி தமிழ் வேட்பாளர் ஒருவரை நியமிக்க நடவடிக்கை எடுக்க வேண்டுமென விநாயகமூர்த்தி முரளிதரன் கோரியுள்ளார். சித்தாண்டி பிரதேசத்தில் நடைபெற்ற தேர்தல் பிரசாரக் கூட்டமொன்றில் கலந்து கொண்டு உரையாற்றிய போது அவர் இதனைக் குறிப்பிட்டுள்ளார்.