தனிநபரின் சுதந்திரத்தை மீறியதாக கூகுள் நிறுவனத்திற்கு அபராதம் விதிப்பு

கடந்த 2011ஆம் ஆண்டு முதல் இரண்டு மாதங்களுக்கு முன்பு வரை “ஆப்பிள் வெப் பிரவ்சர்” கணனிகளில் கூகுள் நிறுவனத்தின், டபுள் கிளிக்(Double Click) என்ற விளம்பர "ட்ராக்கிங் நெட்வொர்க்"(Tracking Network) வசதி, தாமாக இடம் பெற்றிருந்தது.

கணனி பயன்படுத்துவோரின் விருப்பத்துக்கு மாறாக இந்த வசதியை இடம் பெறச் செய்ததன் மூலம், தனிநபர் சுதந்திர விதிமுறைகளை மீறி செயல்பட்டதாக கூகுள் நிறுவனத்தின் மீது புகார் சுமத்தப்பட்டது.

இந்த விதிமீறலுக்கான அபராதத் தொகையாக, 22.5 மில்லியன் அமெரிக்க டொலரை செலுத்த வேண்டும் என அமெரிக்க தலைமை வர்த்தகக் கமிஷன் உத்தரவிட்டது.

கூகுள் நிறுவனம் தனது தவறை ஒப்புக்கொண்டு, அபராதத் தொகையை செலுத்த முன்வந்துள்ளதாக அமெரிக்க தலைமை வர்த்தக கமிஷன் நேற்று தெரிவித்தது.

மற்ற நிறுவனங்களுக்கும் இது ஒரு பாடமாக அமைய வேண்டும் என்பதற்காகவே, இவ்வளவு பெரிய தொகையை அபராதமாக விதித்தோம் என அமெரிக்க வர்த்தக கமிஷன் தலைவர் ஜான் லீபோவிட்ஸ் கூறினார்.