மறைப்பதற்கு எம்மிடம் எதுவுமில்லை! சர்வதேசத்திடம் சரணாகதியடைந்த மஹிந்தர்

ராஜபக்ஷ அவர்கள் தெரிவித்தார்.

மனித உரிமை தொடர்பில் அரச சார்பற்ற நிறுவனங்கள் கூறும் பொய்களை சர்வதேச சமூகம் நம்பக் கூடாதெனக் கேட்டுக்கொண்ட ஜனாதிபதி, உண்மை நிலையை நேரில் வந்து கண்டறிய வேண்டும் எனவும் குறிப்பிட்டார்.

அநுராதபுரத்தில் நேற்று முன்தினம் நடைபெற்ற ஐக்கிய மக்கள் சுதந்திர முன்னணியின் முதலாவது தேர்தல் பிரசாரக் கூட்டத்தில் உரையாற்றிய ஜனாதிபதி, துப்பாக்கி ஏந்தி போரிட்ட பயங்கரவாதிகளையும் மன்னித்து புனர்வாழ்வளித்துள்ள நாம் ஒருபோதும் பழிவாங்கும் நோக்கமுடையவர்களல்லர் எனவும் தெரிவித்தார்.

அத்துடன் பொதுமக்களின் வாக்குகளைப் பெற புதிய வாக்குறுதிகளை வழங்கத் தேவையில்லை எனத் தெரிவித்த ஜனாதிபதி வழங்கிய வாக்குறுதிகளை நிறைவேற்றி விட்டே மக்கள் முன் வந்துள்ளதாகவும் குறிப்பிட்டார்.

அநுராதபுரம் பொது விளையாட்டரங்கில் நடைபெற்ற இந்தத் தேர்தல் பிரசாரக் கூட்டத்தில் அமைச்சர்கள் மைத்திரிபால சிறிசேன, நிமல் சிறிபால டி சில்வா ஆகியோர் உட்பட அமைச்சர்கள் பலர் கலந்துகொண்டனர்.

ஜனாதிபதி இங்கு தொடர்ந்தும் உரையாற்றுகையில்,

கடந்த முப்பது வருட காலயுத்தத்தின் போது மக்கள் பட்ட கஷ்டங்கள் துன்பங்களை நாம் அறிவோம். அத்தகைய கொடூரமான யுத்தத்தை நாம் முடிவுக்குக் கொண்டு வந்து பாரிய அபிவிருத்தியில் நாட்டைக் கட்டியெழுப்பி இளைஞர்களுக்குத் தொழில் வாய்ப்புக்களை வழங்கியே மக்கள் முன் வந்துள்ளோம்.

மனித உரிமை தொடர்பாக உலகம் எம்மீது விரல் நீட்டுகிறது. நாம் அவர்களுக்குக் கூறுவதெல்லாம் இங்கு நேரில் வந்து பாருங்கள் என்பதே.

சில அரச சார்பற்ற நிறுவனங்கள் டொலர்களுக்காகக் கூறும் பொய்களை நம்ப வேண்டாம். எமக்கு ஒளிப்பதற்கு எதுவுமே இல்லையென நாம் அவர்களுக்குக் கூறுகின்றோம்.என்றார்.